有网民在长沙湾一间烧味店购买滷水鸡翼，回家进食时发现见血疑未熟，拿回店家退货时，店方竟指事主“食过”鸡翼，要求事主就被咬过的鸡翼付钱，才可退货，事主怒斥：“唔咬过点知生？”“你畀啲生嘢我食，仲要我畀钱？”
事主在“长沙湾美食及消费关注组”FB专页发布与店家对质的影片，《星岛》今日（5日）早上向该店店长查询，事件详情及店长的回应，详情如下：
事主昨日（4日）在“长沙湾美食及消费关注组”FB专页发帖，表示在长沙湾一间烧味店“买咗几隻烧鸡翼生嘅！食到鸡翼中间个位，完全好似刺身咁……仲有少少漂白水味”，他于是到店家要求退换。
事主拍摄当时退换情况，店方一名女职员向他多次表示：“你都食咗囉喎！你都食咗囉喎！”女店员再向事主强调：“你都食晒囉喎！”事主反驳：“食晒？！”女店员表示：“你呢个唔係食晒咩？”画面这时拍向该盒退货的怀疑生鸡翼。事主指出：“我应该係食咗两隻或者一隻，係咁上下，你话食晒？”
事主：你畀啲生嘢我食，仲要我畀返钱你！
这时一男店员大声向事主表示：“扣钱囉，你食咗咪扣囉！扣返钱出嚟囉！”事主怒斥：“扣几多钱啊，你畀啲生嘢我食，仲要我畀钱啊！”男店员回应说：“两隻就14囉！”意即两隻鸡翼要事主付14元。事主这时再重申：“即係你畀啲生嘢我食，仲要我畀返钱你！”该男店员再大声喊：“你食落去咁又点（计）啊！”
事主质问：“你咪唔畀我退？”男店员反驳：“依家退返畀你，无话唔畀你退喎。”事主追问：“使唔使收我钱？”男店员说：“咁你食咗点啊！咁你食咗点啊！”他指著该被咬过鸡翼表示：“咁我呢啲又点先！你自己讲囉！”
网民：错咗仲咁恶
事主在镜头前拿出一些纸币：“你想收钱，我畀返钱你，收几钱啊？你畀啲生嘢我食喎。”男店员这时转身走开，边走边说：“畀返钱咪畀返钱囉！你话几多钱咪几多钱囉！”
事件引发热烈迴响，在多个社交平台疯传，不少网民非议店家的待客态度：“长沙湾呢单真係人神共X，唔咬过点知係生呀？唔咬过都知係生即係有特异功能？”“食又点知係生？唔食又点知唔熟？”“唔食过，点知係生。”“好心换比人啦，大家D态度又衰。”“错咗仲咁恶。”“讲多无谓啦～即刻报警报食环。”“实好简单就处理到啦，‘对唔住，我退返钱俾你’又或者你换过其他嘢。”
记者查询 店长：唔好意思啊，依家忙紧
记者今早致电该店查询，自称店长的女职员未听完提问，即表示：“唔好意思啊，依家忙紧，开紧银头啊咩嘢，未方便啊，唔好意思啊。”记者问她什麽时间致电才方便，她说：“晏啲啦，我依家啱啱开档啊，我啲银头数紧，未得閒啊！”
记者问具体什麽时间方便受访，她说：“啊……中午嗰个时候啦。”记者问是否中午12点，她表示：“嗰阵时最忙。”她说：“啊……2点钟嗰个时候啦。”
记者问都已谈了好一会儿，何不现在回应，她即说：“我依家忙紧啊，数紧啲钱！”记者问届时找谁回应事件，她说：“你打嚟有人听㗎啦，OK㗎啦！”她随即表示：“我唔同你讲住，我依家忙紧啊，唔好意思啊！”之后挂线。
以上内容归星岛新闻集团所有，未经许可不得擅自转载引用。
平台声明：该文观点仅代表作者本人，佐伊科技仅提供信息存储空间服务。发布者：rmltwz，转转请注明出处：https://www.rmltwz.com/shehui/32165.html
