屯门有大叔未等老婆，便急急上巴士，巴士开车后，反炮轰车长不等其妻便开车，与其他乘客展开激烈骂战，他更霸气地扬言：“我都係揸巴士嘅！无佢揸得咁Ｘ衰……我觉得我啱晒！”
有关影片昨日（4日）在多个社交平台热传，片中涉事巴士的报站屏幕，显示下一站为“安定邨”，估计事发在屯门，以下为事件全过程：
当时巴士行驶中，一名着黄色外衣的大叔，站于车头车长驾驶座旁，似正与车长理论，现场听到有乘客大喊：“收吓啲火，老人家要收吓啲脾气，唔好郁啲就闹人，郁啲就闹人。”这时该大叔悻悻然步至车厢中间车门位置，边行边说：“Ｘ你老Ｘ，报警咪报囉，我真係唔Ｘ惊啊！”
他更扬言：“我都係揸巴士嘅，无佢揸得咁Ｘ衰。”这时现场有不少乘客鼓譟，不值大叔所为，有人指责大叔：“你老婆仲走紧嚟，你就走上车，你就唔啱啦！”大叔反驳：“我咩唔啱啊！我叫佢（指车长）等一等我，等一等我都唔啱！”这时有乘客批评：“等咩啫，你唔好上车，你应该係个站等埋老婆至上车，边个叫你走上车啫，你揸巴士，你就唔啱啦！”
大叔继续反驳：“咩嘢唔啱啊！我觉得我啱晒！（叫佢）等一等，都话唔等！”有乘客指斥：“梗係唔得啦，等，你咁样点揸巴士啊，如果你揸巴士，累死人添啊！”
这时乘客议论纷纷，大叔与部分乘客理论，现场气氛火热，大叔其后再大喊：“我一定会等喎，我揸咁耐巴士，我一定会等埋！”有目击过程乘客这时指出当时情况：“（当时）你老婆仲係餐厅啊！”大叔反驳：“佢落紧楼梯啊！”有乘客揶揄他：“都唔知你揸咩嘢巴士？”大叔说：“揸九龙巴士（似意思为揸九巴），揸呢条线嘅！”
现场乘客再度鼓譟，有人批评大叔：“梗係唔得啦，要成车人等你！”有乘客批评大叔当时对车长态度恶劣：“你直头闹人啦！”大叔则反驳：“我话唔该你等阵！我头一句就係咁讲！”但乘客指他当时语气差，并指出：“人哋咪畀你上咗，都唔係咁闹人！”
由于大叔大发牢骚，有乘客警告他，如果真是“揸巴士嘅”，便不要再骚扰车长驾驶，该大叔又再发火：“架车係咪唔可以大声讲嘢，唔可以讲嘢先！”有乘客批评：“你累到佢撞车时，边个负责啊！”但大叔竟借机指骂车司：“佢呢啲就係害死人啊，中途停车害死人，就係呢啲。”
乘客：不如你嗱嗱声搵返老婆好过啦
有乘客大声呼吁：“保持安静！无事啦，大家安静啦！”有乘客再劝大叔不如联络妻子，看可在哪个站落车会合她：“你嘈都无用啊，不如你嗱嗱声搵返老婆好过啦。”不过，大叔仍未罢休，转向车长怒斥：“衰到咁，73XXXX（似为他的巴士职员证编号），记住我啦，Ｘ你老母，揸巴士！不顾乘客，中途停车就係你呢啲。”
这时巴士到达兆麟苑站，该大叔终于落车，有乘客欢呼：“好啦好啦，安静啦！”“落咗车好啊！”“安静晒！”画面看到大叔下车后，站在巴士站，左顾右盼，未有即时离开。
不少网民批评该大叔行为，“好彩其他人都肯帮口话佢”，“个个都要等，程车可能一日都未做到一转”，“成车人Ｘ你，你都觉得冇问题？”，“自己做开车长至唔会追巴士挂，如果係同一条线，揸嗰个点会唔认得佢，除非揸嗰个新嚟或者后备……同埋佢唔上架巴士咪唔会濑低佢老婆囉。”
九巴乘客须知列明，严禁使用任何恐吓、侮辱、辱骂或不恰当的言语或动作，或以任何其他方式骚扰车长或车厢内之乘客。
以上内容归星岛新闻集团所有，未经许可不得擅自转载引用。
平台声明：该文观点仅代表作者本人，佐伊科技仅提供信息存储空间服务。发布者：rmltwz，转转请注明出处：https://www.rmltwz.com/shehui/32227.html
