冒险乐园铜锣湾分店“时代广场Planet J”昨日（30日）结业前最后营业日，有港妈携两幼女在该分店，被网民发现狂扯机内的公仔。当怀疑偷公仔被喝止后，该港妈竟嚣张反喊报警：“都就嚟执囉，你唔攞都係去堆田区㗎喎。”
有网民在社交平台Threads发布影片，公开当时情况，及事件最后处理方法如下：
楼主表示，昨日（30日）去冒险乐园夹公仔，见到隔邻一名女子“踎喺度整咗好耐”，“发现佢原来喺度扯紧个公仔出嚟，我估唔到今时今日仲可以咁明目张胆……大佬呀，你带住个小朋友，明唔明咩叫身教”，影片看到该女子携同两名年幼女儿。
影片看到楼主和朋友喝停该女子：“你唔可咁嘅喎……你攞紧咩呀？姐姐！”该女子竟回覆：“公仔囉！”楼主和朋友即向她解释：“你都无夹中，要夹中先叫人嚟攞㗎喎。”该女子反驳：“佢话免费㗎喎，网上讲有十次机会㗎嘛。”该女子所指“十次机会”，是指该铜锣湾分店因结业推出向会员送50个代币，免费玩夹公仔的活动。
楼主批强词夺理：明唔明咩叫身教
但楼主表示事发在中午有关派代币活动已一早已派完，楼主和朋友当时即向女子指正：“但係唔係咁样自己掹！唔係咁样自己攞㗎喎。”女子仍反驳：“都就嚟执囉，你唔攞都送去堆田区㗎喎。”楼主严词指斥：“咁唔等于你可以咁样攞，你呢个行为係偷喎，你依家係偷紧嘢！”
女子这时才站起身，并放下已扯出来的公仔，职员亦已赶到，楼主向职员讲述情况，并指斥该女子：“你係黄咗至放番（公仔）係到。”女子未有认错，更向职员建议：“一係报警囉！”这时听到楼主朋友表示：“其身不正。”似暗示女子教坏其两名年幼女儿，楼主表示：“咁係咪报警呀？我有拍片可以做证。”
女子未有畏惧表示：“问题我无攞走呀嘛！你唔畀我攞嚟睇一睇，再攞返落去，唔得嘅咩！”楼主表示：“咁你同警察讲囉。”
楼主在帖文中表示：“我估唔到今时今日仲可以咁明目张胆…然后问佢喺度做紧乜嘅时候，佢仲可以理直气壮…佢就话攞公仔，跟住话如果唔攞嘅话，啲公仔都係去堆填区…大佬呀，你带住个小朋友，明唔明咩叫身教。”
楼主交代事件后续，最后有两名职员到来，“都係选择放宽处理，咁我都明白嘅，始终最后一日同埋其实无谓搞大件事，大家带小朋友嚟，都係为咗开心啫，到最后佢都放返隻公仔落去嘅(虽然係因为黄咗)。”
网民：教坏哂D小朋友
楼主又表扬处理事件的职员：“因为后尾，佢係有同呢位姐姐讲咗一阵，然之后先放佢走嘅，类似係佢唔可以咁做，咁样係唔啱规矩之类嘅内容。”该职员为答谢楼主亦提出由楼主自选一款公仔，免费送给她，但楼主最后“都冇要到”。
帖文引发热烈迴响，不少网民批评该女子怀疑偷窃公仔，却仍强词夺理，有教壤子女之嫌：“真係好肉酸！”“公仔一个，何必以身犯险？教坏咗个女第日偷嘢，今次无事，下次啲人揸正做个女就留案底了，为乜呢？”“痴线…人哋打开门做生意㗎…咁好多嘢都会去堆填区，你咪样样都偷，教坏哂D小朋友。”
以上内容归星岛新闻集团所有，未经许可不得擅自转载引用。
平台声明：该文观点仅代表作者本人，佐伊科技仅提供信息存储空间服务。发布者：rmltwz，转转请注明出处：https://www.rmltwz.com/shehui/38021.html
